Thursday, October 29, 2009

కార్తీకమాసము - పర్వదినములు




కార్తీకమాసమంతా స్నానాలు, ఉపవాసాలు , దీపదానాలు , పూజలూ ,వ్రతాలూనూ . ఏపూజకాపుజే విశిష్టమైనది .కాని నాకు అన్నిటిలోకి కార్తీక పౌర్ణమి చాలా ఇష్టము . సోమవారనాడు ,,కార్తీకపుర్ణిమ నాడు ఉపవాసాము చేయటము నాకు అలవాటు . ఆ రోజు ఉదయమంతా ఉపవాసముండి , సాయంకాలము భోజనము చేసేదానిని . రెండు సంవత్సరాలనుండి ఆరోగ్యరీత్యా మానేయాల్సివచ్చింది. ఆ రోజు మా అత్తగారు సాయంకాలము నిమ్మకాయపులిహోర , నిమ్మకాయ మిరియం బహు రుచిగా చేసేవారు. ఉపవాసమున్నవాళ్ళకే అవి పెడుతాననేవారు . అలా వాటి కోసము నా ఉపవాసాలు మొదలయ్యాయి ! అలాగే కార్తీకపౌర్ణమి రోజు అనుకోకుండా హరిషిద్ది మాత గుడి కి వెళ్ళటము జరిగింది. ఆ రోజు పోరుబందర్ లో సముద్రపు వడ్డున స్త్రీలు దీపాలు వెలిగించి ,పాటలు పాడుతూ సముద్రములోకి దీపాలను వదలటము మరుపురాని అనుభూతి.
ప్రతి రోజు దేవునికి దీపము వెలిగించలేని వారు ఈ రోజు 365 వత్తులను ఆవునేయితో ఏఏదైనా దేవాలయములో , వీలుకాకపోతె ఇంటిలో దేవుని వద్ద వెలిగిస్తే రోజూ వెలిగించిన ఫలము వస్తుంది అంటారు .
ఈ సారి 2 / 11 న కార్తీకపౌర్ణమి , సోమవారము రెండూ కలిసి వచ్చాయి .

ఈ మాసములోని పర్వదినాలలో శుక్లపక్ష ద్వాదశి రోజున చేసే క్షీరాభ్ధిద్వాదశి పూజ ప్రధానమైనది .ఈ రోజున కృతయుగములో దేవతలు , రాక్షసులు కలిసి క్షీరసాగరాన్ని మధించిన రోజు కనుక క్షీరాభ్ధిద్వాదశి అని పేరు. క్షీరసాగరము లోనుండి వచ్చిన మహాలక్ష్మిని ఈ రోజు శ్రీమహావిష్ణువు వివాహమాడాడు . అందుకని ఈ రోజు శ్రీమహావిష్ణువు , శ్రీ మహాలక్ష్మిల కల్యాణము చేస్తారు. ఎప్పుడూ క్షీరసాగరములో శయనించే విష్ణువు ఈ రోజున మహాలక్ష్మి తో పాటు బృందావనానికి వస్తాడని అంటారు. అందుకే ఈ రోజు తులసి మొక్క వద్ద , ఈ కార్తీకమాసములో సమస్త దేవతలూ , మునులుకూడా ఆశ్రయించుకొని వుండే ఉసిరిక కొమ్మని పెట్టి పూజిస్తారు.
ఈ నెల 30 న క్షీరాభ్ధిద్వాదశి .

కార్తీకమాసములో శనిత్రయోదశి సోమవారముకంటే చాలా ఎక్కువ ఫలితమిస్తుంది . ఆ శనిత్రయోదశి కంటే కార్తీక పౌర్ణమి వందరెట్లు ఫలితమిస్తుంది . పౌర్ణమి కంటే కార్తీక పాడ్యమి నూరురెట్లు అధిక పలమిస్తుంది . ఆ కార్తీక పాడ్యమి కంటే బహుళ ఏకాదశి కోటిరెట్లు ఎక్కువ పలితానిస్తుంది . ఏకాదశి కంటే కార్తీక ద్వాదశి విస్తారమైన పలితానిస్తుంది అని పెద్దలంటారు.

కార్తీకపురాణములో ఇలా చెప్పారు.
కార్తీక శు. పాడ్యమి : తెల్లవారు జామునే లేచి ,స్నానము చేసి , దేవాలయానికి వెళ్ళి , కార్తీకవ్రతం సంకల్పము చెప్పుకొని ,ఆకాశదీపాని దర్షించుకోవాలి .
విదియ : ఈ రోజు సోదరి ఇంటికి వెళ్ళి భోజనము చేసి , కానుకలిచ్చి రావాలి .
తదియ : అమ్మవారికి కుంకుమ పూజ చేయించుకోవటము వల్ల సౌభాగ్యసిద్ది .
చవితి : ఈ రోజు నాగులచవితి సంధర్భముగా పుట్టలో పాలు పోయాలి .
పంచమి : దీనికి జ్ఞాన పంచమి అని పేరు . ఈ రోజు సుబ్రమణ్యప్రీత్యర్ధము అర్చనలు చేయించుకున్న వారికి జ్ఞాన వృద్ది కలుగుతునది .
షస్టి : నేడు బ్రహ్మచారికి ఎర్రగళ్ళ కండువా దానము చేస్తే సంతానప్రాప్తి కలుగుతుందని ప్రతీతి .
సప్తమి : ఈ రోజు ఎర్రని వస్త్రములో గోధుమలు పోసి దానమివ్వటము వలన ఆయుషు వృద్ది అవుతుంది .
అష్టమి : ఈ గోపాష్టమి నాడు చేసే గోపూజ విశేష ఫలితాలనిస్తుంది .
నవమి : నేటినుంచి మూడు రోజుల పాటు విష్ణుత్రిరాత్ర వ్రతాన్ని ఆచరించాలి .
దశమి : ఈ రోజు రాత్రి విష్ణు పూజ చేయాలి .
ఏకాదశి : ఈ ఏకాదశికే బోధనైకాదశి అని పేరు. ఈ రోజు విష్ణుపూజ చేసిన వారికి ఉత్తమగతులు కలుగుతాయి .
ద్వాదశి : ఈ క్షీరాబ్ధి ద్వాదశి రోజు సాయంకాలము ఉసిరిమొక్క , తులసి మొక్కలను పూజించి ,దీపాలను వెలిగించటము సర్వపాపాలనూ నశింప చేస్తుంది .
త్రయోదశి : ఈ రోజు సాలగ్రామ దానము చేయటము వలన సర్వకష్టాలు దూరమవుతాయి .
చతుర్దశి : పాషాణ చతుర్దశి వ్రతము చేసుకునేందుకు నేడు మంచిది .
కార్తీక పూర్ణిమ : మహా పవిత్రమైన ఈ రోజు నదీస్నానము చేసి , శివాలయము వద్ద జ్వాలాతోరణ దర్శనం చేసుకోవటము వల్ల సర్వపాపాలు ప్రక్షాళనమవుతాయి .

ఇంకా ఈ మాసములో చేసే ఈశ్వరార్చనా , అభిషేకం అపమృత్యు దోషాలను ,గ్రహ బాధలను తొలిగిస్తాయి .

సర్వేజనాః సుఖినోభవస్తు .

3 comments:

Hi There said...

chaalaa vivaramgaa tidula visheshaalu aa maasam gurinchi bhagaa teliya cheppaaru.pujalu chestaaru edo evaro cheppaarani kaani nijamgaa ivanni telusu koni cheste mansuku kudaa telustundi andulo vunna haayento.bhagaa raasaaru.

K Phani said...

tulasi chettu leni vaallu ikkada dandam pettu kondi.slide show bhagundi.

మాలా కుమార్ said...

thank you phani .