Saturday, October 17, 2009

దీపావళి శుభాకాంక్షలు

మా అత్తయ్య , వాళ్ళ అమ్మాయిలు , పార్వతి , శ్యామల తో మానుకోట ,మాఇంటికి రావటము , నేను, మా చెల్లెలు జయ , అత్తయ్య నాన్నగారికి హారతి ఇవ్వటము ,నాన్నగారు నాకు ,జయకి చెరి ఐదు రూపాయలు ,అత్తయ్యకి పదిరూపాయలు ఇవ్వటము , నాన్నగారు పెద్ద బుట్ట నిండా టపాకాయలు తేవటము ,నాకు లీలగా గుర్తున్న మొదటి దీపావళి . ఎందుకో తెలియదుకాని నాకు టపాకాయలు కాల్చటము పెద్దగా ఇష్టం వుండేదికాదు . నాకు ,దీపాల తో ఇంటిని అలంకరించటము చాలా ఇష్టము . అందుకే రకరకాల దీపప్రమిదలను కొంటూవుంటాను .

నేను బ్యూటీపార్లర్ నడుపుతున్న రోజులలో , సాయంకాలము పార్లర్ లో నా అసిస్టెంట్స్ , మాస్నేహితులు ,బంధువులను పిలిచి లక్ష్మీ పూజ చేసేదానిని .

పోరుబందర్ దగ్గర హరిసిద్దిమాత దర్షనము ఐనప్పటినుండి , దీపావళి రోజు అమ్మవారికి పూజచేసి , ఎర్రచీర ,పసుపు జాకెట్టు సమర్పించేదాన్ని . అలాగ దీపావళి రోజున ఉదయము ఇంట్లో అమ్మవారి పూజ , సాయంకాలము పార్లర్ లక్ష్మీ పూజ చేయటము అలవాటైంది . పార్లర్ మూసివేసినా , ఇంట్లో అమ్మవారి పూజమాత్రము చేస్తునేవున్నాను. ఈ సంవత్సరము తో నేను ఈ పూజ చేయటము మొదలు పెట్టి ఇరవైఐదు సంవత్సరాలు పూర్తికావటముతో , ఈ రోజు ఉదయము పూజ అయ్యాక , అమీర్ పేట్ లో వున్న కనకదుర్గ గుడిలో , ఎర్రచీర , పసుపు జాకిట్ బట్ట ,ఎర్రపూలు ( మందార పూలు ) ,పచ్చచామంతి పూలు , ఎర్రగాజులు , పసుపు ,కుంకుమ ,పళ్ళు ,కొబ్బరికాయ అమ్మవారికి సమర్పంచి కుంకుమ పూజ చేసుకొని వచ్చాను .

దీపావళి రోజు లక్ష్మి పూజ ఎందుకు చేయాలనే దానికి చాలా కథలు ప్రాచుర్యము లో వున్నాయి . అందులో ఒకటి ,
వొకరోజు , ఒకషావుకారు దగ్గరికి ,జేష్టాదేవి , లక్ష్మీదేవి వచ్చి ,ఇద్దరిలో ఎవరు అందముగా వున్నారో చెప్పమని అడిగారు . జేష్టాదేవిని ఇంట్లోనుండి బయటకి పంపాలి , లక్ష్మీదేవిని ఇంట్లోకి ఆహ్వానించాలి .అందుకు ఉపాయముగా ,జేష్టాదేవితో అమ్మా నీవు వెనుకనుండి అందముగా వున్నావు అనగానే జేష్టాదేవి ఆనందముగా బయటికినడిచింది . లక్ష్మీదేవితో అమ్మా నీవు ముందునుండి అందముగా వున్నావు అనిచెప్పాడు .అప్పుడు లక్ష్మీ దేవి వయ్యారముగా ఇంటిలోకి నడిచింది .
తెల్లచీర కట్టి ,తెల్ల రవిక తొడిగి, మునిమాపు వేళ వచ్చె లక్ష్మి .
అని షావుకారు సంతోషము తో ఇల్లంతా దీపాల తో అలంకరించి , బాణాసంచా పేల్చి లక్ష్మిని ఆహ్వానించాడు .
అప్పటినుండి దీపావళి రోజు సాయంకాలము ముఖ్యముగా వ్యాపారస్తులు లక్ష్మి దేవిని పూజిస్తారని ఓకథ !

అందరికీ అమ్మవారి కటాక్ష ప్రాప్తిరస్తు !

మిత్రులందరికీ దీపావళి శుభాకాంక్షలు .

Get this widget | Track details | eSnips Social DNA




7 comments:

ఉష said...

nice recall of memories, diipaavaLi SubhaakaaMkshalu

పరిమళం said...

మీకూ మీ కుటుంబ సభ్యులకూ దీపావళి శుభాకాంక్షలు !

AMMA ODI said...

మీకు, మీ కుటుంబానికి అష్టైశ్వర్యాలు, సకల శుభాలు కలగాలని కోరుతూ.....దీపావళి శుభాకాంక్షలు!

చిలమకూరు విజయమోహన్ said...

మీకు,మీ కుటుంబానికి దీపావళి పర్వదిన శుభాకాంక్షలు.

ధరణీరాయ్ చౌదరి said...

మీకూ,మీ కుటుంబానికీ నా హృదయపూర్వక దీపావళి శుభాకాంక్షలు!!

మాలా కుమార్ said...

ఉషా గారు ,
పరిమళంగారు ,
అమ్మ ఒడిగారు ,
చిలమకూరు విజయమోహన్ గారు ,
ధరణీ రాయ్ చౌదరి గారు ,
దీపావళి శుభాకాంక్షలు తెలిపినందుకు ధన్యవాదములు ..

మురళి said...

దీపావళి శుభాకాంక్షలు