Monday, May 3, 2010

బ్లాగ్ అంతర్జాలం లో అతివలు - మొదటి భాగం




మిట్ట మద్యాహ్నం , ఎండ మండి పోతోంది .చెమటలు ధారాపాతం గా కారి పోతున్నాయి . ఫాన్ గాలి ఏమూలకూ సరి పోవటములేదు . ఏ .సీ పని చేయటము లేదు . ఉష్ , అష్ అనుకుంటూ ఆపసోపాలు పడుతుండగా , మా సావిత్రి ( మా వంటావిడ ) వచ్చి , వేడి , వేడిగా పకోడీలు చేసేనాండీ అని అడిగింది . ఒక్క నిమిషం బిత్తర పోయి చూసి , ఇప్పుడు పకోడీలా ? వద్దు అనబోయి , వద్దు అంటే ఆ తరువాతి పరిణామాలను తట్టుకునే శక్తి లేక సరే చేయండి అనేసాను . ఆమెకు తినాలి అనిపించి , చేస్తాను అన్నప్పుడు , నేనూ తినాల్సిందే తప్పదు మరి ! వాన పడుతున్నప్పుడో , చలికాలం చిరు ఎండలో నో కూర్చొని , పకోడీలు తింటూ , ఏ యద్దనపూడి నవలో చదువుతూ పకోడీలు తినటము ఎవరైనా చెస్తారు . మండే ఎండలో , చెమటలు కక్కుతూ , వేడి వేడి పకోడీలు తినటము మా ప్రత్యేకత ! ఎంతైనా మా స్టైలే వేరు . యద్దనపూడి వ్రాయటము మానేసినంత మాత్రాన ఏమైంది ? హాయిగా కూడలిలో విహరిస్తూ , కూల్ కూల్ గా , చల్ల చల్లగా అమ్మాయిల బ్లాగులు చదువుదాము అని డిసైడై పోయి , కూడలి తీసాను .

మీరు ఉత్తరాలు రాయగలరా ? నాకైతే రాసే ఓపిక లేక , చివాట్లు చాలా తినేదానిని . రాసేఓపిక లేదు కాని ,చిట్టీ ఆయేగీ అనుకుంటూ ఎదురుచూసి చదివి ఆనందించే ఓపిక చాలా వుంది . అందుకే భావన అందుకే కృష్ణ గీతం ను తరుచూ చూస్తూ వుంటాను .

సరదాగ చిన్న చిట్కాలే కాదు చక్కని కవితలూ అల్లుతారు శ్రీ లలిత . శ్రీలలిత గారి కవితల తో అప్పుడప్పుడూ నా సాహితి కూడా తరించి పోతూవుంటుంది .

ఎప్పుడైనా మూడ్ ఆఫ్ ఐందా ? ఐతే ఈ లలిత స్పందన చూస్తేసరి . కాకపోతే మన పొట్టలు జాగ్రత్తగా చూసుకోవాలి , చెక్కలైపోతే కష్టం కదా !!

అమ్మ కడుపు చల్లగా అందరూ బాగుండాలి అని దీవించే ఆదిలక్ష్మి గారి బ్లాగ్ ఇది .ప్రస్తుత దేశ రాజకీయ విషయాల దగ్గర్నుండి , చిన్ని చిన్ని కథలు కూడా చెప్పే అమ్మవొడి ఇది .

మధుర మధురం గా కబుర్లు , పాటలు విని పిస్తారు మధురవాణి . నాకు బ్లాగ్ లో పాటలు పెట్టాలి అనే కోరిక మధురవాణి బ్లాగ్ చూసాకే కలిగింది .

యమునాతీరానికి వెళితే ధీరసమీరే యమునా తీరే అని సృజనగీతం పాడుతూ ఓ అందమైన అమ్మాయి , కృష్ణుని వెతుకూ కనిపిస్తుంది , తనే సృజనా రామానుజం .

ఎందరో మహానుభావులు, మరెందరో భావకవులు, భావుకులు ఎన్నెన్నో భావాలూ, కవితలు, కొటేషన్స్........ వాటితో పోలిస్తే నా భావాలు......... ఎంత............ ఆకాశం ముందు............ పిపీలికమంత అప్పుడప్పుడు ఏదైనా చదివినప్పుడు విన్నప్పుడు............... ఆ భావుకతకు.... గుప్పెడు మల్లెలు గుభాళించినట్లు మనస్సుప్పొంగుతుంది ఆ పరిమళాన్ని కొందరికైనా పంచాలని కాదు, కాదు, కొందరితోనైనా పంచుకోవాలని ఆశ............., ఆకాంక్ష.

నేను ఆర్డినరీ వుమెన్ ని అంటూనే , పెళ్ళి పెటాకులూ , ఇది ఇంతే అని బోలెడు కబుర్లు చెబుతారు సునీత , తన -నేనూనా బ్లాగ్ లో .

ఏ పుస్తకము గురించి వివరము కావాలన్నా సిరిసిరిమువ్వను అడుగుతే చాలు .

మూసిన కను రెప్పల మాటున ఎన్ని స్మృతుల సవ్వడులో

నేను రౌడీని , బాడ్ గర్ల్ ను అంటూనే బోలెడు కబుర్లు చెపుతుంది ప్రియ , తన ప్రియరాగాలు లో . ఏ రోజునైనా నా పోస్ట్ లో కామెంటక పోతుందా అని ఎదురుచూస్తున్నాను .

వాలు కొబ్బరి
చెట్టుకింద నిలబడి కబుర్లు చెపుతున్నట్లే చెబుతూనే , నేతిగిన్న తో , గురూజీ ఎప్పుడు నన్ను మొట్టుతారా అని ఎదురుచూస్తూ , తనూ మొట్టికాయలు తింటూ వుంటుంది ఈ సుభద్రమ్మ . కొన్ని సార్లు మొట్టికాయలు తప్పించుకోవటానికి ఒకరికొరం సాయం కూడా చేసుకుంటూ వుంటాము , ఇది రహస్యం .

.శ్రీదేవి , కాని శ్రీదేవి అనకండి , శ్రీ అనండి చాలు . మహా భయస్తురాలు .చాలా బాగా పాడివినిపిస్తుంది మకరందం లో .

ఏదైనా బ్లాగ్ ప్రాబ్లమా ? దిగులు పడుతున్నారా ? ఐనా అండగా బ్లాగ్ గురువుండ గా దిగులెందుకు దండగా !! నాలాంటి వారందరికీ అండ , బహుముఖ ప్రజ్ఞాశాలి ఈ జ్యోతి .

రమ్యం గా కుటీరాన రంగవల్లు లు వేస్తారు నీహారిక .

రాధిక గారు అల్లుకున్న పొదరిల్లు ఈ అందాల పిల్లన గ్రోవి .

నాస్నేహం నువ్వే , నా ప్రియ సత్ర్వు వు నువ్వే , అమ్మా హమ్మామ్మా అంటున్నారు శ్రీ .

శ్రీనిఖ భావనలు తెలుసుకోవాలంటే నా భావనలు చదవాల్సిందే .

టి .శ్రీవల్లీ రాధిక గారి కథలూ , కవితలు , మహార్ణవం లో చదవచ్చు .

నా గురించి చెప్పటం సులువు కాదు , అర్ధం చేసుకోవటం కష్టం కాదు అంటున్నారు మోహన .

ఎవరి లైఫ్ వాళ్ళది కాదా అని అడుగుతున్నారు చైతన్య .

అమ్మో సెల్ల్ ఫోన్ సెగలోస్తున్నాయి జిగీష నుండి .

" మా ఇంటి దాదా " , ఎవరు ? ఏమో ? గోదావరిని అడగాల్సిందే !

తోచిన భావాలకు తెలిసిన భాషలో మాటలు అల్లుకుని ఆనందించే సాధారణ పల్లెటూరు అమ్మాయిని. కవిత్వం రాయడం నాకు చేతకాదు.భాష మీద పెద్దగా పట్టు కూడా లేదు , అంటూనే మంచి మంచి కవిత లను అందించారు రాధిక నా స్నేహమా లో .


ఇంకా వున్నారు . . . . .

16 comments:

మంచు said...

మా నేస్తం ఎక్కడ :-((.. ఇలా అయితే మా నేస్తం అభిమాన సంఘం ఒప్పుకొదంతే :-)

3g said...

హౌను....................... ఒప్పుకోవట్లేదంతే...................... (మంచు గారికి మద్దతుగా.....)

భావన said...

బావుందండి. మంచుపల్లకి గారు అలా అలిగేస్తే ఎలా జాజి పూలు విచ్చుతున్నాయండి. ఇంకా వున్నాయ్ అని చివరలో మాల గారు disclaimer పెట్టేరు.. నేస్తం లేక పోతే నవ్వులెలా పూస్తాయి బ్లాగ్లోకం లో.. :-))

amma odi said...

బ్లాగు పూలతో మీరల్లిన కదంబ మాల మనోహరంగా ఉందండి.

Manasa Chamarthi said...

nice post ...gave me a chance to see some other good blogs as well..
thank you :)

నీహారిక said...

సావిత్రిని రేపు Ice Cream చేసిపెట్టమనండి.

Thankyou Mala gaaru.

sunita said...

Thank you Mala gaaru.
అదే చేత్తో మంచి ఫ్రూట్ సలాడ్ కూడా చేసిపెట్టమనండి సావిత్రిని.

నేస్తం said...

సావిత్రి!!!!!! అన్ని కేన్సిల్ కేన్సిల్ నేను ఒప్పుకోనంతే :P
అందరూ తెలుసు గాని మకరందం శ్రీదేవి గారు ఇప్పుడే తెలిసారు :) థేంక్యూ.. నెక్స్ట్ టైం మరి కొంతమంది క్రొత్తవారు తెలుస్తారేమో చూడాలి :)

సుభద్ర said...

మాలగారు,
నేను ఎదురుచూస్తున్నా పోస్ట్ ఇది...చాలా చాలా బాగు౦ది..
తరువాత పోస్ట్ కోస౦ ఎదురుస్తూ....
మ౦చుపల్లకిగారు,
క౦గారు పడక౦డి...అ౦దరు వస్తారు..మాలగారు చాలా రీసెర్చి చేసి అ౦దర్ని పట్టుకున్నారు..
కొ౦చ౦ ఓపిక పట్ట౦డి..
సునీత,
నీహరిక ,
మీరు వెళ్ళ౦డి, మాలగారు సుపర్ పార్టీ ఇస్తారు..మీరు వెళ్ళుతూ మన నేస్తాన్ని కూడా తీసుకెళ్ళ౦డి అసలే పాప౦ అలకమీద ఉన్నారు..

మాలా కుమార్ said...

మంచు పల్లకీ గారు ,
3g గారు ,
మరీ అలా దాడి కోచ్చేస్తే ఎలా అండీ ?


*భావన , సుభద్ర ,
అభిమాన సంఘం నుండి నన్ను కాపాడినందుకు థాంక్ యు .

మాలా కుమార్ said...

అమ్మ ఒడి గారు ,
మీకు మెచ్చుకున్నందుకు సంతోషం గా వుందండి . థాంక్ యు .

*మానస చామర్తి గారు ,
థాంక్ యు .

మాలా కుమార్ said...

నీహారికా ,
సునితా ,
ఎమిటండీ , ఐస్ క్రీమానండీ ??
ఫూట్ సలాడా అండీ ? అవి మాకు రావండి . అలాటి వన్ని గుంటలు చేస్తారు కదండీ . మీరు చేసి పెడి తే మేము తింటామండి .

* నేస్తం గారూ ,
అన్ని కాన్సిలేనండి . ఎందుకంటే అవేవీ మా సావిత్రి కిరావు . పకోడీలు , చెగోడీలు మాత్రం బ్రహ్మాండం గా చేస్తుంది .

మాలతి said...

చాలా ఓపికండీ. మంచి జాబితాయే తయారు చేసారు. అభినందనలు.

రాధిక said...

మాల గారు మీకు నా శతకోటి నమస్సులు :)

రాధిక said...

నా బ్లాగ్ ను ఇందులో "మధురవాణి" గారు చేర్చారు, తన కు నా ధన్యవాదాలు :-)

మాలా కుమార్ said...

మాలతి గారు ,
ధన్యవాదాలండి .

* రాధిక గారు ,
సరేనండి , మీ ధన్యవాదాలు మధురవాణి కి హాండోవర్ చేస్తానండి . మరి మీశతకోటి నమస్సులు నేను తీసు కోవచ్చాండి ?