Kathaa maala Podcast by Mala Kumar | E13 - రాజా కీ ఆయేగీ బరాత్

Nee Jathaga Nenundaali | Kathaa maala Podcast by Mala Kumar | E12 - ఆత్మ...

Nee Jathaga Nenundaali | Kathaa maala Podcast by Mala Kumar | E11 - విధి...

నమస్తే నా ప్రభాతకమలం కు స్వాగతం. ఓ చల్లని సాయంకాలం నేనూ, మా ఏమండీ వాకింగ్ చేస్తుండగా, "ఏమండీ నేను కథ రాసి చాలా రోజులైంది. ఏదైనా రాద్దామంటే ఏ టాపిక్ తోచటం లేదు. మీరేదైనా టాపిక్ చెప్పండి" అని అడిగాను. కాసేపు ఆలోచించి, "నేను ఆర్మీలో చేరిన కొత్తల్లో జరిగిన మా ఫ్రెండ్స్ లో జరిగిన ఒక సంఘటన చెపుతాను. కాని అది మరి పాఠకులకు నచ్చుతుందో లేదో నువ్వు ఆలోచించుకో" అని ఈ కథ చెప్పారు. నేను కాసేపు ఆలోచించి, సబ్జెక్ట్ వెరైటీగా ఉంది. కల్పితం కాదు. జరిగిన కథనే రాసి చూద్దాం అనుకొని "రాస్తాను" అన్నాను. అయితే టైటిల్ దగ్గర నుంచి, అందులోని ముఖ్య పాత్రలకు అన్నీ ఒక అక్షరం సూచించి దానితోనే పేర్లు రావాలి అని కండీషన్ పెట్టారు. ఇక ఏక దీక్షగా మరి ఆర్మీ ప్రేమ కథ కదా అని కాస్త ప్రేమ కూడా జోడించి రాసి, ఏమండీకి చూపిస్తే నచ్చింది కాని పంచ్ రాలేదు అన్నారు. అలా అలా ఏమండీకి నచ్చే పంచ్ వచ్చే వరకూ రాసేసరికి కాస్త పెద్దదయింది. ఇది 16-12-2016 గోతెలుగు.కాం అంతర్జాలపత్రిక లో ప్రచురించబడింది. ఏమండి సూచించిన అక్షరమేదో కొంచం చదవగానే అర్ధమైపోతుందిలెండి. ఇక కథలోకి పదండి. 11. విధివిన్యాసాలు చదువుతున్న పుస్తకం లో నుంచి తలెత్తి వేళ్ళు విరుచుకుంటూ ఉంటే ఎదురుగా లలిత విచారంగా కూర్చొని కనిపించింది వసుధకు. వసుధ లలిత చేతిని తట్టి ఏమిటీ సంగతి అనట్లు సైగ చేసింది. లలిత ఉలిక్కి పడి బయటకు వెళుదాం అన్నట్లు లేచింది. వసుధ తన పుస్తకాన్ని రాక్ లో పెట్టి లలిత ను అనుసరించింది. లెక్చర్ జాబ్ నుంచి రిటైర్ అయ్యాక, ఇంట్లో పనంతా ముగిసాక మధ్యాహ్నం లైబ్రరీ లో గడపటం అలవాటు చేసుకుంది వసుధ. లలిత తో అక్కడే లైబ్రరీ లో స్నేహం కలిసింది. ఇద్దరికీ పుస్తకాలు చదవటం ఇష్టం. దానితో లైబ్రరీ లో చదవటం అయ్యాక, ఇంకో పుస్తకం ఇంటికోసం తీసుకొని, లైబ్రరీ ఆవరణలోని పున్నాగచెట్టు కింద కూర్చొని, కాసేపు పుస్తకాల గురించి చర్చించుకోవటం ఇద్దరికీ అలవాటు. చాలా అరుదుగా సొంత విషయాలు మాట్లాడుకుంటారు. ఇది గత కొద్ది కాలంగా సాగుతోంది. ఇద్దరూ పున్నాగ చెట్టుకింద, బెంచ్ మీద కూర్చున్నారు. అప్పుడప్పుడు చెట్టు మీద నుంచి పున్నాగపూలు రాలుతున్నాయి. వాటి సువాసన సన్నగా గాలిలో తేలి వస్తూ, చుట్టూ ఉన్న చెట్ల నుంచి గాలి వీస్తూ, పరిసరాలు చాలా ఆహ్లాదంగా ఉన్నాయి. కాసేపు ఇద్దరూ నిశబ్ధంగా కూర్చున్నారు. చివరకు, "నన్ను కూడా గమనించ కుండా అలా మూడీ గా కూర్చున్నావు ఏమిటి సంగతి?" అని అడిగింది వసుధ. "నీకు తెలుసుగా వసూ, నాకు ఒక్కడే కొడుకని, వాడీ మధ్య సాఫ్ట్ వేర్ ఇంజనీర్ గా పెద్ద కంపెనీలో మంచి సాలరీ తో చేరాడని, వాడి కి పెళ్ళి సంబంధాలు చూస్తున్నామని” అని ఆగింది లలిత. "ఊ తెలుసు ఏదైనా మంచి సంబంధం వచ్చిందా?" అడిగింది వసుధ. "సంబంధాలకేమి బోల్డు వస్తున్నాయి. వాడే నా నెత్తిన నిప్పులు పోసాడు” కోపంగా జవాబిచ్చింది లలిత. "ఏమిటీ ఎవరినైనా ప్రేమించాడా? ఈ మధ్య ఇది మామూలైపోయింది కదా దానికి విచారమెందుకు?” అంది వసుధ. "మామూలు ప్రేమైతే విచారమెందుకు?" చికాకుగా అంది లలిత. "మరి కులాంతరమా? ఖండాంతరమా? ఖండాంతరం కూడా ఈ మధ్య ఎక్కువగానే జరుగుతున్నాయిగా” అంది వసుధ. "అదైనా బాగానే వుండు. ఎలాగో అడ్జెస్ట్ అయ్యేవాళ్ళం. ఇద్దరు పిల్లలున్న విధవను పెళ్ళి చేసుకుంటాడుట. వీడికేమైనా కాలొంకరా? కన్నొంకరా? అందగాడు, పెద్ద ఉద్యోగస్థుడు, ఒక్కగానొక్క కొడుకు. ఆమెనే పెళ్ళి చేసుకుంటాడుట. లేకపోతే అసలు పెళ్ళే చేసుకోడుట. ఇదేమి పోయేకాలమో! ఆ పిల్ల ఎవరో బాగానే బుట్టలో వేసుకుంది” కసిగా కన్నీళ్ళతో అంది లలిత. లలిత వైపు సాలోచనగా చూసి ”ఏమిటట, ఆ అమ్మాయిని ఉద్దరిస్తాడటనా?" అడిగింది వసుధ. "కాదుట, ప్రేమట. అదేమి ప్రేమో మరి” కోపంగా అంది లలిత. "ఓ" నిశబ్ధంగా ఆలోచనలో పడింది వసుధ. ఇద్దరూ కాసేపు మౌనంగా కూర్చున్నారు. "నేను చెప్పేది నమ్మలేకపోతున్నావా వసూ మాట్లాడటం లేదు” అడిగింది లలిత. దానికి జవాబివ్వకుండా, నేనొకటి చెపుతాను వింటావా లలితా అడిగింది వసుధ. "ఊ చెప్పు” అనాసక్తిగా అంది లలిత. · * * * * * * * * మరి వసుధ ఏమి చెపుతుందో విందాం పదండి నా ప్రభాతకమలం కు.

Nee Jathaga Nenundaali | Kathaa maala Podcast by Mala Kumar | E10 - గుం...

మాలిక అంతర్జాల మాసపత్రిక ఎడిటర్ జ్యోతి వలబోజుగారు 'స్నేహం' టాపిక్ మీద కథ వ్రాయమని మా రచయిత్రుల గ్రూప్ 'ప్రమదాక్షరీ లో టాస్క్ ఇస్తే ఈ కథ వ్రాశాను. ఇది డిసెంబర్ - 2016- మాలిక అంతర్జాల మాసపత్రిక లో పబ్లిష్ అయ్యింది. దీనిని ప్రముఖ రచయిత్రి మంథా భానుమతి గారు విశ్లేషించారు.

Nee Jathaga Nenundaali | కథామాల Podcast by Mala Kumar | E09 - అహో లక్ష్...

9. అహో లక్ష్మణా!!!

నమస్తే నా ప్రభాతకమలం కు స్వాగతం.

అహో లక్ష్మణా! అని తన మరిది చేసిన నిర్వాకం గురించి నలభై సంవత్సరాల తరువాత కూడా ఉక్రోష పడిపోయింది ఓ వదినగారు. ఆ వదినా మరుదుల గొడవేమిటో మాలాగారు చెపుతున్నారు, అదేలెండి నేనే చెపుతున్నాను విందాం రండి. ఈ కథ జూన్ 21 2015 నున గోతెలుగు.కాం లో పబ్లిష్ అయ్యింది.

Nee Jathaga Nenundaali | కథామాల Podcast by Mala Kumar | E08 - చూపులు కల...

 

 నమస్తే నా ప్రభాతకమలం కు స్వాగతం

 చూపులు కలవని శుభవేళా ఎందుకు నీకీ కలవరము, ఎందుకు నీకీ కలవరమూ.

 మీరు పొరపడలేదు సరిగ్గానే విన్నారు, చూపులు కలవని శుభవేళ అని. పెళ్ళికొడుకు, పెళ్ళి కూతురు జీలకర్ర బెల్లం ఒకరితలపై ఒకరు పెట్టుకున్నాక, వారిద్దరి మధ్యలోనుంచి తెర తీసేసి ఒకరినొకరు చూసుకోమన్నాడు. చూపులు కలవకపోగా కన్నీళ్ళనూ జలజల రాల్చేసారు. ఎదుకబ్బా? అదేమిటో పాపం వారెందుకలా కన్నీరు కార్చారో తెలుసుకుందాం రండి చూపులు కలవని శుభవేళ లో. ఈ కథ 8-5-2015 న గో తెలుగు. కాం అంతర్జాల పత్రికలో పబ్లిష్ అయ్యింది.

Nee Jathaga Nenundaali | కథామాల Podcast by Mala Kumar | E07 - అలమారా లిఫ...

అలమారా లిఫ్ట్ అంటే తెలుసా మీకు? అబ్బే ఏమీ లేదండి క్లోజ్డ్ లిఫ్ట్ అన్నమాట. లోపలికి వెళ్ళగానే స్టీల్ తలుపులు మూసుకొని అలమారాలా ఉంటుందని దానికి మన అరుంధతి అలమారా లిఫ్ట్ అని పేరు పెట్టుకుందన్నమాట. గ్రిల్స్ ఉన్న లిఫ్ట్ ఏమో కటకటాల లిఫ్ట్ అన్నమాట అరుంధతికి. ఈ అలమారా లిఫ్ట్ తో అరుంధతి ఎన్ని అగచాట్లు పడిందో వినండి నా ప్రభాతకమలం లో. ఈ కథ యామిని అంతర్జాల పత్రిక లో 5-5-2015 లో పబ్లిష్ అయ్యింది. 

Nee Jathaga Nenundaali | కథామాల Podcast by Mala Kumar | E06 - చాందిని |...

నమస్టే నా ప్రభాతకమలం కు స్వాగతం.

మాలిక అంతర్జాలపత్రిక ఎడిటర్ జ్యోతి వలభోజు గారు తండ్రి- కూతుళ్ళ అనుబంధం మీద కథ రాద్దామని మా రచయిత్రుల సమూహం  ప్రమదాక్షరిలో ప్రతిపాదించారు. అలా కొందరము రచయిత్రులము తండ్రీకూతురు అనుబంధం మీద కథ వ్రాసాము. అవి వరుసగా మాలిక అంతర్జాల పత్రికలో ప్రచురించారు. ఆ కథలు పత్రిక లో పబ్లిష్ అవుతున్నప్పుడే ప్రముఖ రచయిత్రి శ్రీమతి. మంథా భానుమతి గారు వాటిని విష్లేషించారు.ఆ తరువాత ఆ కథలన్నీ "తండ్రి-తనయ" అనే పేరు తో పుస్తకం గా ప్రింట్ చేయించారు జ్యొతి వలభోజుగారు.

అదో ఆ సంధర్భంగా వ్రాసినదే నా ఈ కథ " చాందిని."ఇది 6-8-2014 లో మాలిక అంతర్జాల పత్రికలో పబ్లిష్ అయ్యింది. కథనూ, నా కథ మీద మంథా భానుమతిగారు చేసిన విష్లేషణనూ  చెపుతాను వినండి. విని ఊ కొట్టటం మర్చిపోకండి.

 మంథా భానుమతి గారి విశ్లేషణ చదివి, చాందినీ లోకి పదండి. . . . . 

విశ్లేషణ- మంథా భానుమతి

కన్నపిల్లలమీద ఎంత ప్రేమ ఉన్నా తమ అలవాట్లను, వ్యసనాలను వదిలించుకోలేరు కొందరు తల్లిదండ్రులు. తల్లులకేం వ్యసనం అనుకుంటాం.. కానీ పిల్లలు పిలుస్తున్నా వినిపించుకోకుండా పుస్తకాలు పట్టుక్కూర్చోడం, ఇంటిపనులని గాలికొదిలి టివీ చూస్తూ కూర్చోడం వంటివన్నీ మానసిక బలహీనతలే. 

ఇంక తండ్రుల విషయానికొస్తే, అలవాట్లేంఖర్మ.. వ్యసనాలే కోకొల్లలు. ఒకటో తేదీనాడే జీతం అంతా పేకాటకి అర్పణం చేసి ఇల్లు చేరే వాళ్ళు నాకు నలుగురైదుగురు తెలుసు. ఇంక మందుబాబులు, బియ్యం నిండుకున్నా సిగరెట్ పెట్టెకి తగలేసే వాళ్ళు.. లాటరీ టికెట్ల మోజుతో కోటీశ్వరులవాలనుకే వాళ్ళు, నష్టాలొచ్చినా షేర్లమార్కెట్లో లక్షలు పోగొట్టుకొనేవాళ్ళు ఎంతమందో! పెళ్ళాం, పిల్లలు అలో లక్షణా అని గోలెడుతున్నా వాళ్లకేం పట్టదు. 

ఒక కొత్తరకం వ్యసనానికి అలవాటుపడ్డ తండ్రి శ్రీహర్ష. పుట్టిన క్షణంనుంచే కూతుర్ని ఎంతో ఎత్తుకు తీసుకెళ్ళాలని కలలు కంటాడు. అపురూపంగా పెంచాలనుకుని ఒక్క కూతురే చాలనుకుంటాడు. మొదట్లో ఎంతో సంతోషంగా, కూతురే లోకంగా గడుపుతూ, ఆ పాప ఉన్నతికే అహర్నిశలూ శ్రమించే తండ్రిని మహమ్మారి లాంటి వ్యసనం తగుల్కుంది. రూపాయి ఖర్చు లేకపోయినా అది కూతురి భవిష్యత్తుకి ముప్పు కలిగించేది. అనుకోకుండా భార్య కంట పడిన శ్రీహర్ష తత్తరపాటుతో అరిచి ఆవిడ నోరు మూయిస్తాడు. 

కూతుర్ని తీసుకుని ఇల్లు విడిచిపోయిన తల్లి, ఆ సమస్యని పరిష్కరించిన విధానం మనసుకి హత్తుకుంటుంది. అయితే దానికి ఆ తండ్రికూడా మనఃస్ఫూర్తిగా సహకరిస్తాడు. మళ్లీ ఆ ఇంట ఆనందాలు వెల్లి విరుస్తాయి. భయంకరమైన ఊబిలోకి పడాల్సిన తమ చిన్నారి పాపని రక్షించుకుంటారు. 

శ్రీమతి కమలా పర్చా గారి కలం నుండి వెలువడిన, తండ్రీ కూతుళ్ళ బంధంలో ఒక కొత్త కోణం చూపించే కథ “చాందినీ”. కమలా పర్చాగారు నాలుగైదు సంవత్సరాలనుండి బ్లాగును నిర్వహిస్తున్నారు. ఇప్పుడిప్పుడే మంచి మంచి కథా వస్తువులని తీసుకుని, కథలు రాస్తున్నారు. సులభమైన శైలిలో, పాఠకుల హృదయాలను స్పృశించే నేర్పు ఉన్న రచయిత్రి. వీరి కలం నుండి మరిన్ని కథలు రావాలని ఆశిద్దాం.

(6-8-2014 - మాలిక వెబ్ మాగ్జిన్) 

Nee Jathaga Nenundaali | కథామాల Podcast by Mala Kumar | E05 - ధీర

5. ధీర

నమస్తే నా ప్రభాతకమలం కు స్వాగతం.

ఈ రోజు నేను చెప్పబోయే కథ పేరు "ధీర". ఇదొక ఆర్మీప్రేమ కథ అనుకోండి. దీని మీద నాకూ మా ఏమండీకీ చిన్నపాటి డిస్కషన్ అయ్యింది. ఏమండీ అంటారు "ఇలా ఓ ఆర్మీ ఆఫీసర్ యుద్దం లో చనిపోయాడు, అని వ్రాస్తే ఎవరైనా డిఫెన్స్ లో చేరుతారా? అలా వ్రాయ కూడదు. అసలుకే మనవాళ్ళు చాలామంది మిలిట్రీ లో చేరాలంటేనే భయపడతారు. నీ కథ చదివిన వాళ్ళు ఇన్స్పైర్ అయ్యి డిఫెన్స్ లో చేరేట్టుగా ఉండాలి." అని.

"నిజమే కానీ, ఎంతసేపు ఎవరు మాట్లాడినా సిపాయిల త్యాగం గురించే మాట్లాడుతారు. వారి భార్యల గురించి ఎవరూ మాట్లాడరు. భర్త యుద్దం లోకి వెళితే ఆ ఆఫీసర్ భార్య కాంప్ లో ఉన్న సిపాయిల కుటుంబాలను చూసుకోవటమూ, కుచ్ ఖబర్ ఆయా క్యా దీదీ అంటూ వచ్చే వారిని సముదాయించి పంపటమూ, యుద్దం లో చనిపోయిన సిపాయి భార్యను జాగ్రత్తగా వాళ్ళవాళ్ళకు అప్పగించటము ఎంత జాగ్రత్తగా చూసుకుంటారు. అంతేనా భర్త ఫీల్డ్ పోస్టింగ్ కు వెళితే వంటరిగా పిల్లలతో ఎక్కడో సెపరేటెడ్ ఫామిలీ క్వాటర్ లోనో, లేదా అత్తమామల దగ్గరో ఉండి కుటుంబాన్ని చూసుకోవాలి. మనకు తెలిసిన ఎంత మంది ఆఫీసర్స్ వైవ్స్ భర్త యుద్దం లో చనిపోయినా తమ పిల్లలను మిలిట్రీ లో చేర్పించినవారు లేరు చెప్పండి. మరి ఒక మిలిట్రీ ఆఫీసర్ భార్య ఎదుర్కునే పరిస్తితులు కూడా తెలియాలి కదా" అని ఏమండీనీ ఒప్పించాను. కథకు ఏ పేరు పెట్టాలా అని ఇద్దరమూ తెగ ఆలోచించి, స్వతహాగా పిరికిదే అయినా రాధ పరిస్తితులను ఎదుర్కొని కొడుకును కూడా మిలిట్రీ లో చేర్పించింది కాబట్టి " ధీర" అని పెట్టాము. అదండీ కథ వెనుక కథ. 

 అన్నట్లు ఈ కథ 60ల దశకం లో మొదలవుతుందండి. ఇక ఇది ఫిబ్రవరీ 2014 – స్వప్న సకుటుంబ సపరివార పత్రిక లో పబ్లిష్ అయ్యింది. 

ఇక కథ చెపుతాను ఊ కొట్టటం మర్చిపోకండీ.

Nee Jathaga Nenundaali | కథామాల Podcast by Mala Kumar | E04 - దయచేసి సార...

రాంగ్ కాల్ తో అనిత పడిన తిప్పలు ఓమారు సరదాగా విని మీ అభిప్రాయం చెప్పండి.

Nee Jathaga Nenundaali | కథామాల Podcast by Mala Kumar | E03 - మట్టిలో మా...

Nee Jathaga Nenundaali | కథామాల Podcast by Mala Kumar | E02 - నీ జతగా నే...

Nee Jathaga Nenundaali | కథామాల Podcast by Mala Kumar | E01 - మీతో నేను